बिमल अधिकारी १९ भदौ देउमाइ । देउमाइमा पर्यटकको आकर्षण बढाउन फूल रोप्न उत्साहित पार्ने अभियान अन्तर्गत आज घरघरमा निशुल्क गमला बितरण गरिएको छ। जितपुर सामुदायिक सिकाइ केन्द्र देउमाइ -८ इलामको ब्यबस्थापन तथा सम्योजनमा यो अभियान सन्चालन गरिएको हो। देउमाइ नगरपालिकाको वडा नं आठ जितपुरे बजार बाट वडा नं नौ नवमि बजार सम्म मुख्य सडकले छोएका प्रत्येक घरमा आज उक्त गमला बितरण गरिएको हो। बितरण कार्यक्रम इलाम जिल्ला समन्वय समिती प्रमुख गणेश बरालको प्रमुख आतिथ्यता, देउमाइ नगरपालिका शिक्षा तथा खेलकुद बिकास शाखा प्रमुख रुपेन्द्र प्र न्यौपानेको विशेष आतिथ्यता तथा देउमाइ आठ वडाध्यक्ष चन्द्र मगर , सिकाइ केन्द्र अध्यक्ष राजेन्द्र कुमार दबाडी लगायत सस्थाका सदस्य तथा अन्य प्रतिनिधिको उपस्तिथिमा भएको सस्थाका सह सचिब अर्जुन मगर ले बताए। यस क्षेत्रमा झ्याउपोखरी, ढोलेदेबी अजम्बरे साथै नजिकमा पानीटार सिद्दिथुम्का लगायतका पर्यटकिय ठाउँहरु रहेका छन।
Comments
Post a Comment